«Батыс Еуропа – Батыс Қытай» жобасының жүзеге асырылуын бақылайтын жүйе өз жемісін беруде. Айта кетейік, осыдан екі жыл бұрын ғасыр жобасын бақылау үшін кеңесші компаниялар мен мердігер ұйымдар арасында жан-жақты меморондум қабылданған болатын.
Ортақ келісім шеңберіндегі мониторинг жұмыстарының нәтижесі, әсіресе, жерлерді сатып алу кезінде үздік нәтиже берген. Мұндай зерттеулер құрылыс жұмыстарының қоршаған ортаға әсерін анықтауда да таптырмас тәсіл болып табылады. Енді сала мамандары бұл жүйені ғаламат жобаның өзге де кезеңдерінде пайдаланбақ.
