Шымкентте ауызсу құны қымбаттады. Енді тұрғындар өздері тұтынған бір текшеметр су үшін 68 теңге 9 тиын төлейді.
Бұл баға 1 шілдеден бастап мақұлданған. «Су арнасының» мамандары тіршілік нәрінің қымбаттауын ауыстырылған су құбырлары мен кәріз жүйелеріне кеткен шығынға байланысты деп отыр.
Ал бағаны қымбаттатуды мақұлдаған табиғи монополияларды реттеу және бәсекелестікті қорғау комитетінің мамандары «Су ресурстары-Маркетинг» мекемесінің бұл ұсынысын бекітуде егжей-тегжейлі зерделеу жұмыстарын жүргізгендерін айтады.
