Шымкент қалалық әкімдігі «Нұр Отан» ХДП шымкент филиалы мен ОҚО «Азаматтық Альянсы» заңды тұлғалар қауымдастығы ұйымдастырған «Шымкент менің сүйікті қалам» атты 4 айлық акциясы қорытындыланды. Нәтижесінде, ұйымдастыру алқасына келіп түскен 93 өтінішке сәйкес, арнайы құрылған комиссия мүшелері «Үздік көше» , «Үздік аула», «Үздік үй» ,»Үздік аудан» номинацияларының жеңімпаздарын анықтады.
Үздік көше аталымы бойынша, бірінші орында «Айқап» шағын ауданындағы Рамазан көшесі. Үздік аула бойынша 17 шағын аудандағы №7а үй ауласы, Үздік үй номинациясы Әл Фараби көшесіндегі №99 үй, Үздік аудан аталымында Әл Фараби ауданы озық деп танылды.
Жеңімпаздарға алғыс хат пен демалыс орындарына жолдама табыс етілді.
