Демалыс күні студенттер волейболдан чемпион команданы анықтады. Спорттың осы түрін дамытуға үлесін қосқан азаматтардың бірі Төрежан Жүнісовтың 70 жылдығы волейбол алаңында тойланды. Осыған байланысты ұйымдастырылған жарысқа 6 команда жиналыпты. Жоғары оқу орындарының арасында жалғыз колледждің студенттері де бар.
Волейбол ерлер арасында дамыған. Ал қыздардың ойынына көңіл бөліне бермейді деп бойжеткендер өкінішінтерін жасырған жоқ. Спорт мектептері арасында жарыс өтіп тұрады. Ал студенттерге келгенде қиындық туындайтын секілді. Жылына бір рет қана облыстық турнир өтіп тұратын. Тек соңғы үш жылда ғана студент қыздар арасында арнайы дода ұйымдастырылады. Бұл турнир де сол жарыстардың бірі.
Манап Өтебаевтың атындағы оқу орнының студенттері қарсыластарынан басым болып, үшінші орынға таласуда. Қоладан алқа тағу үшін осы ойынды жеңуі тиіс болатын және бұл жолы да олар ептілік танытты.
Ал ақтық ойынға «Отырар» мен «Шу» командалары шықты. Бас жүлдеге таласта екі жақтың бойжеткендері де ұпайды қолдан бермейтінін байқатты. Алғашқы партия соңына дейін тең келді. Екі ұпайға отырарлықтар алға шықты.
Бұл жарыс студенттер арасындағы облыстық спартакиадаға дайындық екенін волейболшалыр да, олардың бапкерлері де ұғынып отыр. Ал бүгінгі турнирде Отырар университетінің спортшы қыздары жеңіске жетті.
