Орталық бассейнде жаттығатын алғашқы қарлығаштар республикалық турнирден жүлдемен оралды. Ашылғанына бір жарым жыл ғана толған спорт ордасында 140-қа жуық жеткіншек жүзу спортымен шұғылданады. Олардың арасынан іріктеу жасалынып, жерлестеріміз Көкшетауға жол тартқан болатын.
[youtube]http://www.youtube.com/watch?v=PIWS4zOAExE[/youtube]
«Бурабайдың інжу маржаны» атты жарыстан 9 жерлесіміз жүлдемен оралды. Жүлде қоржынында бес алтын, бір күміс және үш қола медаль бар. Иван Прозорев пен Варвара Крыгина қос алтыннан жеңіп алды. Ал Владимир Щебельников екі рет үшінші орыннан көрінді.
Эстафеталық жарыста да шымкенттіктер екі медальға қол жеткізді. Ендігі мақсат – чемпиондардың қатарын көбейту. Бұл жоспарды орындау үшін орталық бассейнге арнайы олимпиадалық құрылғылар да алыныпты. Ал наурыздың 22-не бұл бассейнде арнайы турнир де өтеді.
