Сарыағаш жедел жәрдем медициналық бекетінің ғимараты пайдалануға берілді. Облыстық бюджеттен бөлінген 98 млн. теңгеге салынған бекеттің құрылысын «Мұрат и КО» ЖШС-і жүргізген.
Құрылысы былтыр басталған нысанның жұмысы дер кезінде аяқталып, халық игілігіне берілді. Жедел жәрдемнің адам өмірінде алар орны ерекше, әрине. Жаныңыз шүберекке түйілгенде ең бірінші көрсетілетін жедел жәрдемнің сапалы болуы орналасқан ғимараты мен жабдығына байланысты.
Ендеше, сарыағаштықтар бұлтұрғыдан қам жемесе де болады. Оларда су жаңа ғимарат, компьютерленген техникалық база, барлық жағдайы жасалған жедел жәрдем көліктер де бар.
