Жібек Тұрғынбаева – «Ушу-саньда патшайымы» атағына ие болған жалғыз шымкенттік бойжеткен. Ол қатарластарынан үздік екенін тағы да дәлелдеді. Бұл жолы жерлесіміз Каспий жағалауында өткен ел чемпионатында топты жарды.
[youtube]http://www.youtube.com/watch?v=T4if6Tf1rzM[/youtube]
Ушу-саньдадан Қазақстан чемпионаты Ақтауда өткен болатын. Спорттың бұл түрінен бағын сынау мақсатында джиткундомен айналысатын жеткіншектер де Батыс Қазақстанға жол тартқан еді. Нәтижесінде Ұлболсын Байзақова 52 келідегі спортшылар арасында алтыннан алқа тақты. Ал Нұрсұлтан Қарашбаев 45 келіде 2-орынды қанағат тұтты. Қажымұқан Бұрханов та жүлделі қайтты.
Бапкер Бекзат Жалеловтың шәкірті Жібек енді әлем чемпионатына дайындалуда. Әрине, ең алдымен қаражат табу керек. «Ағалар көмектеседі деген үміттеміз. Өйткені, Оңтүстіктен Түркияға осы Жібек қана барады. Бұл жолы да топты жаратынына сеніміміз мол» дейді Жібектің бапкері.
Оған дейін жерлестеріміз жаттығуларын жалғастырады. Өйткені, өзге де жергілікті жарыстар жеткілікті.
